University of South Australia ကပေးအပ်မယ့် ၂၀၂၅/၂၆ ပညာသင်ဆု (Fully Funded Scholarship) အကြောင်း

သြစတြေးလျမှာ ပညာသင်ဆုအပြည့်အစုံနဲ့ ကျောင်းသွားတက်ချင်တဲ့ ညီငယ်ညီမငယ်တွေအတွက် သတင်းကောင်းတစ်ခုပါဗျာ။ University of South Australia ကနေ မဟာဘွဲ့ (Masters) နဲ့ ပါရဂူဘွဲ့ (PhD) တက်ရောက်လိုတဲ့ နိုင်ငံတကာကျောင်းသားတွေအတွက် Research Scholarship တွေခေါ်ယူနေပါပြီ။

ဒီပညာသင်ဆုက ကျောင်းလခ ကင်းလွတ်ခွင့် (Tuition Waiver) ပေးမယ့်အပြင် တစ်နှစ်ကို စားစရိတ်ဒေါ်လာ $32,500 နဲ့ တခြားခံစားခွင့်တွေပါ ပေးဦးမှာဆိုတော့ ဒါဟာ လက်လွှတ်မခံသင့်တဲ့ အခွင့်အရေးကောင်းတစ်ခုပါပဲ။

ဒီပညာသင်ဆုအကြောင်း၊ ဘယ်သူတွေလျှောက်လို့ရလဲ၊ ဘာတွေလိုအပ်လဲ၊ ဘယ်လိုလျှောက်ရမလဲဆိုတာတွေကို အသေးစိတ်ရှင်းပြပေးသွားပါမယ်။

ပညာသင်ဆု အကျဉ်းချုပ်

• ပညာသင်ကြားရမယ့်နိုင်ငံ၊ သြစတြေးလျ (Australia)
• တက္ကသိုလ်၊ University of South Australia
• ပညာသင်ဆုအမျိုးအစား၊ ဘွဲ့လွန် သုတေသနပညာသင်ဆု (Postgraduate Research) | မဟာဘွဲ့ (Masters) | ပါရဂူဘွဲ့ (PhD)
• ဘယ်နိုင်ငံတွေလျှောက်ထားနိုင်သလဲ၊ နိုင်ငံအားလုံး (မြန်မာနိုင်ငံအပါအဝင်)
• ရရှိမယ့်ထောက်ပံ့ကြေး၊
  • ပညာသင်ဆုအပြည့်အစုံ (ကျောင်းလခ ၁၀၀% ကင်းလွတ်ခွင့်)
  • တစ်နှစ်စာ စားစရိတ်ဒေါ်လာ $32,500
• လျှောက်လွှာပိတ်ရက်၊ သီးသန့်သတ်မှတ်ထားခြင်း မရှိ (ဒါပေမဲ့ စောစောလျှောက်ထားတာ အကောင်းဆုံးပါ)

ပညာသင်ဆုအသေးစိတ်

ဒီပညာသင်ဆုကို သြစတြေးလျအစိုးရက ရန်ပုံငွေထောက်ပံ့ပေးထားတဲ့ Research Training Program international (RTPi) Scholarship အမျိုးအစားဖြစ်ပါတယ်။ အရည်အချင်းရှိတဲ့ နိုင်ငံတကာကျောင်းသားတွေကို သူတို့ရဲ့ ပညာရေးထူးချွန်မှု (academic merit) နဲ့ သုတေသနလုပ်နိုင်စွမ်းရည် (research potential) အပေါ်မူတည်ပြီး ရွေးချယ်ချီးမြှင့်တာဖြစ်ပါတယ်။

ဒါကြောင့် ဒီ Scholarship က ပညာသင်ဆုသက်သက်မဟုတ်ဘဲ သုတေသနပြုလုပ်ဖို့အတွက်ပါ အပြည့်အဝထောက်ပံ့ပေးတာဖြစ်လို့ ကိုယ့်ရဲ့အရည်အချင်းကိုပြသနိုင်မယ့် အခွင့်အရေးကောင်းတစ်ခုပါ။

ဘယ်လိုအရည်အချင်းတွေ လိုအပ်မလဲ? (လိုအပ်ချက်များ)

ဒီပညာသင်ဆုကို လျှောက်ထားချင်တယ်ဆိုရင်တော့ အောက်ပါအချက်တွေနဲ့ ကိုက်ညီဖို့လိုပါတယ်-

• နိုင်ငံတကာကျောင်းသားတစ်ဦးဖြစ်ရပါမယ်။
• သုတေသနမာစတာဘွဲ့ (Masters by Research) ဒါမှမဟုတ် ပါရဂူဘွဲ့ (PhD) အတွက် လျှောက်ထားသူဖြစ်ရပါမယ်။
• တက္ကသိုလ်ရဲ့ သုတေသန Project စာရင်းထဲက ကိုယ်စိတ်ဝင်စားတဲ့ Project တစ်ခုကို ရွေးချယ်လျှောက်ထားရပါမယ်။ (ဒါက အရေးကြီးတဲ့အချက်ပါ)
• ကိုယ်လျှောက်ထားမယ့် Project အတွက် သတ်မှတ်ထားတဲ့ တခြားလိုအပ်ချက်တွေနဲ့လည်း ကိုက်ညီရပါမယ်။

ဘာအခွင့်အရေးတွေ ရရှိမှာလဲ? (ခံစားခွင့်များ)

ဒီ Scholarship ကိုရွေးချယ်ခံရရင်တော့…

• စားစရိတ် (Stipend)၊ တစ်နှစ်ကို အနည်းဆုံး သြစတြေးလျဒေါ်လာ $32,500 ထောက်ပံ့ကြေး ရရှိပါမယ်။ ဒီပမာဏကို နှစ်ပတ်တစ်ခါ ပုံမှန်ပေးသွားမှာပါ။ (PhD ကျောင်းသားအတွက် ၃ နှစ်အထိ၊ Master of Research ကျောင်းသားအတွက် ၂ နှစ်အထိ ရနိုင်ပါတယ်)။
• ကျန်းမာရေးအာမခံ၊ ကျောင်းသားဗီဇာလိုအပ်သူတွေအတွက် ကျန်းမာရေးအာမခံ (Overseas Student Health Cover – OSHC) ကိုလည်း Scholarship ကနေ အပြည့်အဝ တာဝန်ယူပေးပါတယ်။
• ကျမ်းပြုစုစရိတ်၊ ကျမ်းပြီးစီးဖို့အတွက် ထောက်ပံ့ကြေး (Thesis allowance) လည်း ရနိုင်ပါသေးတယ်။

လျှောက်ထားဖို့ ဘာတွေပြင်ဆင်ထားရမလဲ? (Required Documents)

လျှောက်လွှာမတင်ခင် အောက်ပါစာရွက်စာတမ်းတွေကို အဆင်သင့်ပြင်ထားဖို့လိုပါတယ်-

1. ကိုယ်ရေးရာဇဝင် (Resume/CV)၊ ကိုယ့်ရဲ့ပညာအရည်အချင်း၊ အလုပ်အတွေ့အကြုံ၊ သုတေသနအတွေ့အကြုံတွေကို ပြည့်ပြည့်စုံစုံဖော်ပြထားတဲ့ CV တစ်စောင်။
2. Cover Letter၊ ဒါက သိပ်အရေးကြီးပါတယ်။ ကိုယ်လျှောက်မယ့် Research Project ကို ဘာကြောင့်စိတ်ဝင်စားတယ်၊ ကိုယ့်ရဲ့အရင်က အတွေ့အကြုံတွေ၊ အနာဂတ်အစီအစဉ်တွေနဲ့ ဘယ်လိုဆက်စပ်နေတယ်ဆိုတာကို စိတ်ဝင်စားဖွယ်ကောင်းအောင် ရေးသားတင်ပြရပါမယ်။
3. ထောက်ခံစာ (Reference Letters) (၂) စောင်၊ ကိုယ့်ရဲ့အရည်အချင်းကို ထောက်ခံပေးနိုင်မယ့် ဆရာတွေဆီက reference letter လိုအပ်ပါတယ်။ (လျှောက်လွှာမှာ ထောက်ခံစာပေးမယ့်သူတွေရဲ့ Email လိပ်စာကို တင်ပြရမှာပါ)။

ဘယ်လိုလျှောက်ထားရမလဲ? (အဆင့်ဆင့်လျှောက်ထားနည်း)

လျှောက်ထားဖို့အတွက် အောက်ပါအဆင့်တွေကို တစ်ဆင့်ချင်းလုပ်ဆောင်သွားရပါမယ်-

1. Website ကိုသွားပါ၊ အောက်မှာပေးထားတဲ့ လျှောက်လွှာတင်ရမယ့်ခလုတ်ကို နှိပ်ပြီး တရားဝင် Scholarship စာမျက်နှာကို သွားပါ။
2. Research Project ရှာပါ၊ Scholarship ဝက်ဘ်ဆိုဒ်မှာရှိတဲ့ သုတေသန Project စာရင်း (research projects page) ထဲက ကိုယ်တကယ်စိတ်ဝင်စားပြီး ကိုယ့်ရဲ့အရည်အချင်းနဲ့ကိုက်ညီတဲ့ Project တစ်ခုကို ရွေးချယ်ပါ။ (ဒါက အရေးကြီးဆုံးအဆင့်တွေထဲက တစ်ခုပါ)
3. လိုအပ်ချက်များ စစ်ဆေးပါ၊ ကိုယ်ရွေးချယ်လိုက်တဲ့ Project အတွက် သတ်မှတ်ထားတဲ့ အရည်အချင်းသတ်မှတ်ချက်တွေနဲ့ ကိုက်ညီမှုရှိမရှိ သေချာစစ်ဆေးပါ။
4. စာရွက်စာတမ်းများ ပြင်ဆင်ပါ၊ လိုအပ်တဲ့ CV, Cover Letter, Reference အချက်အလက်တွေနဲ့ တခြားစာရွက်စာတမ်းတွေကို အဆင်သင့်ပြင်ဆင်ပါ။
5. Online Application တင်ပါ၊ အားလုံးအဆင်သင့်ဖြစ်ပြီဆိုရင်တော့ Online Application Form ကို ဖြည့်စွက်ပြီး လျှောက်လွှာတင်လိုက်ပါ။

➡️ လျှောက်လွှာတင်ရန် ဒီနေရာကိုနှိပ်ပါ (CLICK HERE TO APPLY)

နောက်ဆုံးစကားလက်ဆောင

ဒီလို Fully Funded Scholarship မျိုးက အခွင့်အရေးကောင်းတစ်ခုဖြစ်သလို ပြိုင်ဆိုင်မှုလည်းများနိုင်ပါတယ်။ ဒါကြောင့် စိတ်ဝင်စားတယ်ဆိုရင် အချိန်မဆွဲဘဲ အခုကတည်းက လိုအပ်တဲ့အချက်အလက်တွေကို သေချာလေ့လာပြီး ပြင်ဆင်မှုတွေစတင်လိုက်ပါ။ အဓိကကတော့ ကိုယ်နဲ့ကိုက်ညီတဲ့ Research Project ကိုရှာဖွေပြီး အားကောင်းတဲ့ Cover Letter တစ်စောင်ရေးနိုင်ဖို့ပါပဲ။

အားလုံးပဲ အဆင်ပြေအောင်မြင်ကြပါစေလို့ ဆုတောင်းပေးလိုက်ပါတယ်။

မှတ်ချက်၊

• နောက်ထပ် ပညာသင်ဆုအခွင့်အလမ်းကောင်းတွေ ကြည့်ရှုဖို့ ဒီနေရာကို နှိပ်ပြီး ဝင်ရောက်လေ့လာနိုင်ပါတယ်ခင်ဗျာ။
• CV ရေးနည်းနှင့် ပတ်သက်ပြီး စာရေးသူ၏ ကိုယ်ရေးမှတ်တမ်းအကျဥ်းအား နမူနာကြည့်ချင်ပါက ဤစာမျက်နှာမှာ လင့်ခ်ထည့်ပေးထားပါသည်။
• CV ရေးနည်း၊ Research Proposal ရေးနည်း စည့်လျှောက်လွှာအတွက် အထောက်အကူ ဖြစ်စေမယ့်စာများ ဖတ်ချင်ရင် ဒီနေရာကို နှိပ်ပါ။