Toronto University ၏ 2026 ခုနှစ်အတွက် ကနေဒါနိုင်ငံ Lester B. Pearson Scholarship (ပညာသင်ဆု ထောက်ပံ့ကြေး အပြည့်အစုံ) အကြောင်း ဖော်ပြ‌ပေးပါမယ်။

ကနေဒါနိုင်ငံမှာ သင့်ရဲ့ ဘွဲ့ကြိုပညာရေးကို Toronto တက္ကသိုလ်ရဲ့ Lester B. Pearson ပညာသင်ဆုနဲ့ အတူ စတင်လိုက်ပါ။ ဒီဆောင်းပါးမှာတော့ ဒီပညာသင်ဆုကို လျှောက်ထားဖို့အတွက် အဆင့်ဆင့်လုပ်ဆောင်ရမယ့် လုပ်ငန်းစဉ်တွေနဲ့ ရရှိနိုင်မယ့် အကျိုးကျေးဇူးတွေကို အသေးစိတ် ဖော်ပြပေးသွားမှာ ဖြစ်ပါတယ်။

University of Toronto ပညာသင်ဆု (Lester B. Pearson Award) ဟာ ထူးချွန်ထက်မြက်တဲ့ နိုင်ငံတကာကျောင်းသားများအတွက် ကမ္ဘာ့ယဉ်ကျေးမှုအစုံလင်ဆုံး မြို့ကြီးများထဲမှ တစ်မြို့ဖြစ်တဲ့ တိုရွန်တိုမြို့မှာရှိတဲ့ ကမ္ဘာ့အကောင်းဆုံး တက္ကသိုလ်များထဲမှ တစ်ခုမှာ ပညာသင်ကြားနိုင်ဖို့ ထူးခြားကောင်းမွန်တဲ့ အခွင့်အရေးတစ်ခုကို ပေးအပ်တာ ဖြစ်ပါတယ်။

Lester B. Pearson ပညာသင်ဆု အစီအစဉ်ဟာ ထူးချွန်ပြောင်မြောက်တဲ့ ပညာရေးဆိုင်ရာ အရည်အချင်းနဲ့ တီထွင်ဖန်တီးနိုင်စွမ်းကို ပြသနိုင်ပြီး မိမိတို့ကျောင်းရဲ့ ခေါင်းဆောင်များအဖြစ် အသိအမှတ်ပြုခံရတဲ့ ကျောင်းသားများကို ဂုဏ်ပြုရန် ရည်ရွယ်ပါတယ်။

ကျောင်းသားတစ်ယောက်အနေနဲ့ မိမိရဲ့ကျောင်းနဲ့ လူ့အဖွဲ့အစည်းအပေါ်မှာ ဘယ်လောက်အကျိုးသက်ရောက်မှု ရှိခဲ့သလဲ ဆိုတာနဲ့ အနာဂတ်မှာ ကမ္ဘာ့အသိုင်းအဝိုင်းကို အပြုသဘောဆောင်တဲ့ ဘယ်လိုအကျိုးပြုနိုင်မလဲဆိုတဲ့ အလားအလာကို အထူးအလေးပေး စဉ်းစားမှာ ဖြစ်ပါတယ်။

University of Toronto Lester B. Pearson ပညာသင်ဆု အကျဉ်းချုပ်

• ပညာသင်ဆုပေးအပ်သည့်နိုင်ငံ၊ ကနေဒါ
• ပညာသင်ကြားရမည့်နေရာ၊ ကနေဒါနိုင်ငံတွင် ပညာသင်ကြားခြင်း
• ပညာသင်ဆုအမျိုးအစား၊ ဘွဲ့ကြို ပညာသင်ဆုများ
• လျှောက်ထားနိုင်သည့်နိုင်ငံများ၊ နိုင်ငံအားလုံး
• ရရှိမည့်အကျိုးကျေးဇူးများ၊ ပညာသင်ဆုအပြည့်အစုံ | စားစရိတ် | နေထိုင်စရိတ်
• နောက်ဆုံးလျှောက်ထားရမည့်ရက်၊ နိုဝင်ဘာ ၇၊ ၂၀၂၅

University of Toronto Lester B. Pearson Scholarship 2026 အသေးစိတ်အချက်အလက်များ

University of Toronto ပညာသင်ဆု (Lester B. Pearson Award) ကို နှစ်စဉ် ချီးမြှင့်လေ့ရှိပါတယ်။

Lester B. Pearson ပညာသင်ဆုများဟာ ကနေဒါအထက်တန်းကျောင်းများတွင် ပညာသင်ကြားနေသော နိုင်ငံတကာကျောင်းသားများအပါအဝင် ကမ္ဘာတစ်ဝှမ်းမှ ထူးချွန်ထက်မြက်သော ကျောင်းသားများကို အသိအမှတ်ပြု ချီးမြှင့်တာ ဖြစ်ပါတယ်။ ဒါဟာ University of Toronto က နိုင်ငံတကာကျောင်းသားများအတွက် ပေးအပ်တဲ့ ဂုဏ်သိက္ခာအရှိဆုံးနှင့် ပြိုင်ဆိုင်မှုအပြင်းထန်ဆုံး ပညာသင်ဆု ဖြစ်ပါတယ်။

ဒီပညာသင်ဆုကို University of Toronto တွင် ပထမဆုံးဝင်ခွင့်ရ ဘွဲ့ကြိုသင်တန်းများအတွက်သာ ရရှိနိုင်မှာဖြစ်ပြီး နှစ်စဉ် ကျောင်းသား ၃၇ ဦးခန့်ကို Lester B. Pearson Scholars အဖြစ် ရွေးချယ်သွားမှာ ဖြစ်ပါတယ်။

University of Toronto Scholarship 2026 အတွက် လိုအပ်ချက်များ

Pearson International University of Toronto Scholarship ကို လျှောက်ထားနိုင်ရန် အောက်ပါအချက်များနှင့် ကိုက်ညီရပါမည်။

• နိုင်ငံတကာကျောင်းသား (ကနေဒါနိုင်ငံသားမဟုတ်ဘဲ ပညာသင်ကြားခွင့် ပါမစ် လိုအပ်သူ) ဖြစ်ရမည်။
• လက်ရှိ အထက်တန်းကျောင်း နောက်ဆုံးနှစ်တွင် တက်ရောက်နေသူ သို့မဟုတ် ၂၀၂၅ ခုနှစ် ဇွန်လထက် နောက်မကျဘဲ ဘွဲ့ရရှိထားသူ ဖြစ်ရမည်။
• Toronto တက္ကသိုလ်တွင် ၂၀၂၆ ခုနှစ် စက်တင်ဘာလ၌ ပညာစတင်သင်ကြားမည့်သူ ဖြစ်ရမည် (အခြားတက္ကသိုလ်တွင် တက်ရောက်နေဆဲ ကျောင်းသားများ လျှောက်ထားခွင့်မရှိပါ။ ၂၀၂၆ ခုနှစ် ဇန်နဝါရီလတွင် အခြားတက္ကသိုလ်တစ်ခု၌ စတင်တက်ရောက်မည့် ကျောင်းသားများလည်း လျှောက်ထားခွင့်မရှိပါ)။

Lester B. Pearson Scholarship 2026 ၏ အကျိုးကျေးဇူးများ

• ဤပညာသင်ဆု အစီအစဉ်သည် ထူးချွန်သော ပညာရေးဆိုင်ရာ အရည်အချင်း၊ တီထွင်ဖန်တီးနိုင်စွမ်းနှင့် မိမိတို့ကျောင်းတွင် ခေါင်းဆောင်မှု အရည်အသွေးကို ပြသနိုင်သည့် ကျောင်းသားများကို အသိအမှတ်ပြုရန် ရည်ရွယ်သည်။
• University of Toronto ပညာသင်ဆု (Lester B. Pearson Award) သည် သင်၏ ဘွဲ့ကြိုပညာသင်နှစ် (၄) နှစ်တာလုံးအတွက် ကျောင်းလခ၊ စာအုပ်ဖိုး၊ အထွေထွေကုန်ကျစရိတ်များနှင့် နေထိုင်စရိတ် အပြည့်အစုံကို ထောက်ပံ့ပေးသွားမည်ဖြစ်သည်။

Lester B. Pearson Scholarship လျှောက်လွှာတင်ရမည့် နောက်ဆုံးရက်များ

University of Toronto Scholarship (Lester B. Pearson Award) ကို လျှောက်ထားရန် သင့်ရဲ့ အထက်တန်းကျောင်းမှ nomination (အမည်စာရင်းတင်သွင်းခြင်း) ရရှိရန် လိုအပ်ပါသည်။ လျှောက်လွှာတင်ခြင်း၏ အဆင့်တိုင်းတွင် လိုက်နာရမည့် နောက်ဆုံးရက်များ ရှိပါသည်။

• ကျောင်းမှ Nomination တင်သွင်းရမည့် နောက်ဆုံးရက်၊ အောက်တိုဘာ ၁၀၊ ၂၀၂၅
• ကျောင်းသားမှ OUAC ဝင်ခွင့်လျှောက်လွှာ တင်ရမည့် နောက်ဆုံးရက်၊ အောက်တိုဘာ ၁၇၊ ၂၀၂၅
• ကျောင်းသားမှ ပညာသင်ဆုလျှောက်လွှာနှင့် စာရွက်စာတမ်းများ တင်သွင်းရမည့် နောက်ဆုံးရက်၊ နိုဝင်ဘာ ၇၊ ၂၀၂၅

Lester B. Pearson Scholarship 2026 ကို လျှောက်ထားနည်း (အဆင့်ဆင့်)

ကမ္ဘာတစ်ဝှမ်းမှ စိတ်ဝင်စားသော ကျောင်းသားများ ယခုပင် လျှောက်လွှာများ တင်သွင်းနိုင်ပြီ ဖြစ်သည်။ လျှောက်ထားရန်အတွက် သင်လိုက်နာရမည့် အဆင့်ဆင့် လုပ်ငန်းစဉ်များမှာ အောက်ပါအတိုင်း ဖြစ်သည်။

အဆင့် ၁၊ သင့်ကျောင်းမှ Nomination (အမည်စာရင်းတင်သွင်းခြင်း) ရယူပါ။
ယခင်က စာရင်းမသွင်းရသေးသော အထက်တန်းကျောင်းများသည် စက်တင်ဘာလတွင် ဤနေရာ၌ ရရှိနိုင်မည့် ပရိုဂရမ်တွင် ပါဝင်ရန် လျှောက်လွှာတင်ရပါမည်။ ယခင်နှစ်များက ပါဝင်ခဲ့ဖူးသော အထက်တန်းကျောင်းများသည် စက်တင်ဘာလအစောပိုင်းတွင် Nomination ပြုလုပ်ခွင့်ကို ရရှိမည်ဖြစ်သည်။

အဆင့် ၂၊ Toronto တက္ကသိုလ်တွင် ၂၀၂၆ ခုနှစ် စက်တင်ဘာလ၌ ပညာသင်ကြားရန် လျှောက်ထားပြီး (ဤနေရာ၌) သတ်မှတ် ရက်များအတွင်း ဝင်ခွင့်လျှောက်လွှာကို အပြီးသတ်ပါ။

• မှတ်ချက်၊ သင်သည် ဘာသာရပ်များစွာကို လျှောက်ထားနိုင်ပြီး အားလုံးအတွက် ဝင်ခွင့်ရရှိနိုင်သော်လည်း၊ သင့်အား Pearson ပညာသင်ဆု ချီးမြှင့်ခဲ့ပါက ပညာသင်ဆုဆုံးဖြတ်ချက်များချမှတ်သည့်အချိန်တွင် သင်၏ University of Toronto ရှိ ပထမဦးစားပေး ဘာသာရပ်အတွက်သာ အကျုံးဝင်မည်ဖြစ်သည်။

အဆင့် ၃၊ တက္ကသိုလ်မှ Nomination ကို လက်ခံရရှိပြီး သင်ကလည်း တက္ကသိုလ်သို့ ဝင်ခွင့်လျှောက်ထားပြီးသည်နှင့် Lester B. Pearson ပညာသင်ဆုအတွက် အွန်လိုင်းလျှောက်လွှာကို ဖြည့်စွက်နိုင်ပါပြီ။ သင့်ကျောင်းမှ သင့်ကို အောင်မြင်စွာ Nomination ပြုလုပ်ပြီးပါက ပညာသင်ဆုလျှောက်လွှာအတွက် သီးသန့် link တစ်ခုကို သင်လက်ခံရရှိပါမည်။

လျှောက်ထားရန် ဤနေရာကို နှိပ်ပါ

မှတ်ချက်၊

• CV ရေးနည်း၊ Research Proposal ရေးနည်း စည့်လျှောက်လွှာအတွက် အထောက်အကူ ဖြစ်စေမယ့်စာများ ဖတ်ချင်ရင် ဒီနေရာကို နှိပ်ပါ။
• CV ရေးနည်းနှင့် ပတ်သက်ပြီး စာရေးသူ၏ ကိုယ်ရေးမှတ်တမ်းအကျဥ်းအား နမူနာကြည့်ချင်ပါက ဤစာမျက်နှာမှာ လင့်ခ်ထည့်ပေးထားပါသည်။
• နောက်ထပ် ပညာသင်ဆုအခွင့်အလမ်းကောင်းတွေ ကြည့်ရှုဖို့ ဒီနေရာကို နှိပ်ပြီး ဝင်ရောက်လေ့လာနိုင်ပါတယ်ခင်ဗျာ။