ထောက်ပံ့ကြေးအပြည့်အဝ ရရှိမည့် Chulabhorn Graduate Institute (CGI) ပညာသင်ဆုကို ထိုင်းနိုင်ငံတွင် ပညာသင်ကြားလိုသော အရည်အချင်းပြည့်မီသည့် နိုင်ငံတကာကျောင်းသားများအတွက် ဖွင့်လှစ်လိုက်ပါသည်။

CGI ပညာသင်ဆုသည် (၂) နှစ်ကြာ ဘွဲ့လွန်သင်တန်း တက်ရောက်ရန်အတွက် ကုန်ကျစရိတ်အားလုံးကို ထောက်ပံ့ပေးမည့် အခွင့်အလမ်းကောင်းတစ်ခု ဖြစ်ပါသည်။ ဤပညာသင်ဆုတွင် ကျူရှင်လခနှင့် အခြားပညာရေးဆိုင်ရာ ကုန်ကျစရိတ်များ၊ အသွားအပြန် လေယာဉ်လက်မှတ်၊ ဗီဇာကြေး၊ အခြေချနေထိုင်စရိတ်နှင့် နေရာပြောင်းရွှေ့စရိတ်တို့ ပါဝင်ပါသည်။

ပညာသင်ဆုရရှိသူများသည် ပညာသင်ကြားနေစဉ်တစ်လျှောက်လုံး တည်းခိုနေထိုင်ရန်နေရာ၊ လစဉ်နေထိုင်စရိတ်၊ စာအုပ်ဖိုး၊ ကျန်းမာရေးအာမခံနှင့် အခြားလိုအပ်သော အထောက်အပံ့များကိုလည်း ရရှိမည်ဖြစ်သည်။

ဤဆောင်းပါးတွင် စိတ်ပါဝင်စားသူများအတွက် ပညာသင်ဆု၏ အသေးစိတ်အချက်အလက်များ၊ အကျဉ်းချုပ်၊ လိုအပ်ချက်များ၊ အကျိုးကျေးဇူးများ၊ ပညာသင်ကာလနှင့် လျှောက်ထားရမည့်ပုံစံ အဆင့်ဆင့်ကို အသေးစိတ် ဖော်ပြထားပါသည်။

Chulabhorn Graduate Institute ပညာသင်ဆု အကျဉ်းချုပ်

• အိမ်ရှင်နိုင်ငံ: ထိုင်းနိုင်ငံ
• ပညာသင်ကြားရမည့်နေရာ: အာရှ
• အမျိုးအစား: ဘွဲ့လွန်ပညာသင်ဆု | မဟာဘွဲ့ ပညာသင်ဆု
• လျှောက်ထားနိုင်သည့်နိုင်ငံများ: နိုင်ငံအားလုံး
• ထောက်ပံ့ကြေး:
  • ကျူရှင်လခအပြည့်အဝ
  • လစဉ်နေထိုင်စရိတ်
  • တည်းခိုရန်နေရာ + နေရာပြောင်းရွှေ့စရိတ်
  • လေယာဉ်လက်မှတ် + ဗီဇာကြေး
• လျှောက်လွှာပိတ်ရက်: စက်တင်ဘာ ၃၀၊ ၂၀၂၅

Chulabhorn Graduate Institute ပညာသင်ဆု အသေးစိတ်

ထိုင်းနိုင်ငံရှိ Chulabhorn Graduate Institute (CGI) ၏ ၂၀၂၆ ခုနှစ် ပညာသင်ဆုအတွက် လျှောက်လွှာများ စတင်ခေါ်ယူနေပြီဖြစ်ပါသည်။ CGI သည် ထိုင်းဘုရင့်သမီးတော် ပါမောက္ခ ဒေါက်တာ Chulabhorn Mahidol ၏ ဦးဆောင်မှုဖြင့် ၂၀၀၅ ခုနှစ်တွင် တည်ထောင်ခဲ့သော ဘာသာရပ်ပေါင်းစုံ ဘွဲ့လွန်ပညာရေးအင်စတီကျုတစ်ခု ဖြစ်သည်။

လက်ရှိတွင် CGI သည် မဟာဘွဲ့အတွက် အသုံးချဇီဝသိပ္ပံ (Applied Biological Sciences) ဘာသာရပ်ကို အောက်ပါအထူးပြုများဖြင့် သင်ကြားပေးလျက်ရှိသည်-

• Environmental Health
• Environmental Toxicology
• Chemical Sciences

နှစ်စဉ် နိုင်ငံတကာလျှောက်ထားသူများအတွက် မဟာဘွဲ့သင်ယူရန် ပညာသင်ဆု (၁၅) ဦး ကို ပေးအပ်ပါသည်။ လျှောက်ထားသူများကို ပညာအရည်အချင်းပေါ်မူတည်၍ ရွေးချယ်သွားမည်ဖြစ်သည်။

Chulabhorn Graduate Institute ပညာသင်ဆုအတွက် လိုအပ်ချက်များ

ဤပညာသင်ဆုအတွက် ထည့်သွင်းစဉ်းစားခံရရန် အောက်ပါအရည်အချင်းများနှင့် ပြည့်စုံရပါမည်-

• အသက် ၃၀ နှစ်အောက် ဖြစ်ရမည်။
• အောက်ပါဘာသာရပ်တစ်ခုခုဖြင့် ဘက်ချလာဘွဲ့ကို GPA အနည်းဆုံး 2.75 ဖြင့် ရရှိထားသူ ဖြစ်ရမည်-
  • သိပ္ပံဘာသာရပ်များ: ဓာတုဗေဒ၊ ဇီဝဗေဒ၊ ဇီဝသိပ္ပံ၊ မော်လီကျူးဇီဝဗေဒ၊ ပတ်ဝန်းကျင်သိပ္ပံ။
  • ဆေးပညာသိပ္ပံ: ဆေးပညာ၊ ဆေးဘက်ဆိုင်ရာနည်းပညာ။
  • ဆေးဝါးပညာ သို့မဟုတ် ဆေးဝါးသိပ္ပံ။
  • အခြားဆက်စပ်ဘာသာရပ်များမှ လျှောက်ထားသူများကိုလည်း ကြိုဆိုပါသည်။
• သိပ္ပံဆိုင်ရာ ဓာတ်ခွဲခန်း သုတေသနအတွေ့အကြုံ ရှိရမည်။
• အသိအမှတ်ပြု အင်္ဂလိပ်စာ အရည်အချင်းစစ် စာမေးပွဲဖြစ်သော TOEFL သို့မဟုတ် IELTS အမှတ်ကို တင်ပြနိုင်ရမည်။
• Statement of Purpose (ပညာသင်ကြားလိုသည့် ရည်ရွယ်ချက်တင်ပြစာ) တင်ပြရမည်။

ပညာသင်ဆုကာလနှင့် ထောက်ပံ့ကြေး

Chulabhorn Graduate Institute ပညာသင်ဆုတွင် အောက်ပါတို့ ပါဝင်ပါသည်-

• ကျူရှင်လခနှင့် အခြားပညာရေးဆိုင်ရာ ကုန်ကျစရိတ်များ (credit fee, ဓာတ်ခွဲခန်းစရိတ်၊ refresher course၊ စာရင်းသွင်းကြေး၊ ကျမ်းပြုစုခ၊ ကျမ်းစာရွက်စာတမ်းထုတ်လုပ်ခ)
• အသွားအပြန် လေယာဉ်လက်မှတ်
• ဗီဇာကြေး
• အခြေချနေထိုင်စရိတ်
• နေရာပြောင်းရွှေ့စရိတ်
• တည်းခိုရန်နေရာ
• လစဉ်နေထိုင်စရိတ်
• စာအုပ်ဖိုး
• ကျန်းမာရေးအာမခံနှင့် အခြားလိုအပ်သော အထောက်အပံ့များ။

ပညာသင်ဆုတွင် ၆ ပတ်ကြာ refresher course နှင့် ၂ နှစ်ကြာ မဟာဘွဲ့သင်တန်းတို့ ပါဝင်မည်ဖြစ်ပြီး ပညာသင်ဆုရကျောင်းသား၏ တိုးတက်မှုကို နှစ်စဉ်ပြန်လည်သုံးသပ်မည်ဖြစ်သည်။

Chulabhorn Graduate Institute ပညာသင်ဆုအတွက် လိုအပ်သောစာရွက်စာတမ်းများ

လျှောက်ထားရန်အတွက် အောက်ပါစာရွက်စာတမ်းများကို အသင့်ပြင်ဆင်ထားရပါမည်-

• ပြည့်စုံသော ပညာရေးမှတ်တမ်း (Full Academic Transcript)
• ထောက်ခံစာ ၃ စောင် (Three Recommendation Letters)
• Statement of Purpose (သင်ကြားလိုသည့် ရည်ရွယ်ချက်တင်ပြစာ)
• ကျန်းမာရေးစစ်ဆေးချက်မှတ်တမ်း (Medical History Report)
• လျှောက်လွှာစစ်ဆေးရာတွင် အထောက်အကူဖြစ်စေမည့် အခြားစာရွက်စာတမ်းများ

Chulabhorn Graduate Institute ပညာသင်ဆု လျှောက်ထားနည်း အဆင့်ဆင့်

စိတ်ပါဝင်စားပြီး အရည်အချင်းပြည့်မီသော လျှောက်ထားသူများသည် အောက်ပါအဆင့်များအတိုင်း လျှောက်ထားနိုင်ပါသည်-

1. CGI 2026 ပညာသင်ဆုလျှောက်လွှာ ရယူရန် ဒီနေရာကို နှိပ်ပါ။ ပညာသင်ဆု လျှောက်လွှာပုံစံကို ဖြည့်စွက်ပါ။
2. CGI 2026 ပညာသင်ဆုလျှောက်လွှာအတွက် ကျန်းမာရေးစစ်ဆေးချက်မှတ်တမ်း (Medical History Report) ပုံစံရယူရန် ဒီနေရာကို နှိပ်ပါ။ ပုံစံကို ဖြည့်စွက်ပါ။
3. ဖြည့်စွက်ပြီးသော လျှောက်လွှာနှင့် လိုအပ်သောစာရွက်စာတမ်းများကို အောက်ပါနည်းလမ်းများဖြင့် ပေးပို့ပါ-
   • အဆင့် (က): လျှောက်လွှာပုံစံနှင့် လိုအပ်သော စာရွက်စာတမ်းအားလုံး၏ scan/pdf ဖိုင်များကို cgi_academic@cgi.ac.th သို့ အီးမေးလ်ဖြင့် ပေးပို့ပါ။
   • အဆင့် (ခ): ထို့နောက် မူရင်းစာရွက်စာတမ်းအားလုံးကို အောက်ပါလိပ်စာသို့ စာတိုက်မှတစ်ဆင့် ပေးပို့ရပါမည်။ Chulabhorn Graduate Institute (CGI Scholarship Program)
     54 Kamphangphet 6 Road, Talat Bang Khen, Laksi, Bangkok 10210
     THAILAND
4. အရွေးချယ်ခံရသော လျှောက်ထားသူများကို CGI မှ ၂၀၂၆ ခုနှစ်၊ ဇန်နဝါရီလခန့်တွင် အကြောင်းကြားမည် ဖြစ်သည်။
5. တရားဝင် ဝဘ်ဆိုဒ်သို့ သွားချင်ပါက ဒီနေရာကို နှိပ်ပါ။

လျှောက်လွှာပိတ်ရက်: စက်တင်ဘာ ၃၀၊ ၂၀၂၅

အလားတူ အခွင့်အလမ်းများကို စိတ်ဝင်စားပါသလား?

အလားတူ အခွင့်အလမ်းများကို စိတ်ဝင်စားပါက အောက်ပါအချက်တွေကို ဖတ်သွားဖို့မမေ့နဲ့နော်။

• CV ရေးနည်း၊ Research Proposal ရေးနည်း စည့်လျှောက်လွှာအတွက် အထောက်အကူ ဖြစ်စေမယ့်စာများ ဖတ်ချင်ရင် ဒီနေရာကို နှိပ်ပါ။
• CV ရေးနည်းနှင့် ပတ်သက်ပြီး စာရေးသူ၏ ကိုယ်ရေးမှတ်တမ်းအကျဥ်းအား နမူနာကြည့်ချင်ရင် ဒီစာမျက်နှာမှာ လင့်ခ်ထည့်ပေးထားပါသည်။
• နောက်ထပ် ပညာသင်ဆုအခွင့်အလမ်းကောင်းတွေ ကြည့်ရှုဖို့ ဒီနေရာကို နှိပ်ပြီး ဝင်ရောက်လေ့လာနိုင်ပါတယ်ခင်ဗျာ။

အားလုံးပဲ အဆင်ပြေအောင်မြင်ကြပါစေလို့ ဆုတောင်းပေးလိုက်ပါတယ်။